ఊరి దాహం తీర్చిన రియల్ హీరో..లండన్ కోటి

పెద్దారవీడు, మార్కాపురం: 
డబ్బులు సంపాదించడం ఒక ఎత్తు అయితే... సంపాదించిన దానిలో ఎంతో కొంత పదిమందికి సేవ చేసి వారి హృదయాలలో సుస్థిర స్థానాన్ని దక్కించుకోవడం మరొక ఎత్తు.
ఆపదలో ఉన్న వారిని ఆదుకుంటూ రియల్ హీరోగా నిలుస్తున్న రావిక్రింది సత్యవతి రామ సుబ్బారావు దంపతుల కుమారుడు రావికింది కోటేశ్వరరావు(లండన్ కోటి) మరో మంచి కార్యక్రమం చేసి ప్రజల ప్రశంసలు పొందుతున్నారు. 
ఏళ్లుగా నీటి సమస్యతో బాధపడుతున్న గ్రామానికి మేలు చేశారు. వందలాది మంది ప్రజల దాహార్తి తీర్చారు. ట్యాంకర్ల  బిల్లులు రాకపోవడంతో ప్రభుత్వ అధికారులు, ప్రజాప్రతినిధులు పట్టించుకోని సమస్యను  లండన్ కోటి పరిష్కరించడంతో ఆ గ్రామస్తులు కృతజ్ఞతలు చెబుతున్నారు.
బద్విడు పంచాయతీలోని ప్రగళ్ళ పాడు, బద్వేడు గ్రామంలో తాగునీటి సమస్య
తీవ్రంగా ఉంది. నీటి కోసం కొన్ని కిలోమీటర్లు వెళ్తున్నామని.. తమ గ్రామానికి సహాయం చేయాలని ఆ గ్రామస్తులు రావిక్రింది కోటేశ్వరరావు తల్లి సత్యవతి  కి  తెలియజేశారు. 
అధికారులు, ప్రజాప్రతినిధులను అడిగినా స్పందన లేకపోవడంతో
మిమ్మల్ని సంప్రదిస్తున్నామని ఆ గ్రామస్తులు చెప్పడంతో,
ఆమె స్పందించి వెంటనే కుమారుడు కి విషయం చేరవేసింది. 
వెంటనే స్పందించిన ఆయన గ్రామంలో తన వ్యవసాయ భూమి లోని బోర్  ద్వారా నీటి వసతి కల్పించారు.గత సంవత్సరం నుండి ట్యాంకర్ల ద్వారా గ్రామస్తుల తాగినీటి పరిష్కరిస్తున్నారు. 
దీంతో ప్రగళ్ళ పాడు, బద్వేడు 
గ్రామస్తులందరూ ఆయనకు కృతజ్ఞతలు చెబుతున్నారు.
ట్యాంకర్ల ద్వారా  నీటిని గ్రామస్తులకు సరఫరా చేసే  వీడియోను  ట్విటర్లో ఆయనకు షేర్ చేశారు.
బోర్ ద్వారా నీటిని గ్రామస్తులుకు సరఫరా  చేస్తుంటే వారి ఆనందం చూసి తన మనసుకు హత్తుకుందని లండన్ కోటి అగ్ని ప్రతినిధి తో అన్నారు.
త్వరలో ఆ గ్రామంలో నీళ్ల సమస్యను శాశ్వతంగా పరిష్కరించడానికి కృషి చేస్తానని హామీ ఇచ్చారు.
ప్రస్తుతం వ్యాపార పనులలో బిజీగా ఉండడంతో రాలేకపోయాను అన్నారు.
ఇవే కాకుండా ఆయన ప్రతి సంవత్సరం తన జన్మదిన వేడుకలు సందర్భంగా, తండ్రి రావిక్రింది రామ సుబ్బారావు సంవత్సరికం అలాగే కంపెనీ యానివర్సడే సందర్భంగా స్ఫూర్తి వెల్ఫేర్ సొసైటీ  అనాధ పిల్లల అవసరాలకు  ఆటోను బహుకరించారు.
రాజస్థాన్ ప్రాంతంలో కొన్ని ఊర్లను దత్తత తీసుకున్నారు.అంతే కాకుండా ఈ ప్రాంతంలో ఎందరో నిరుపేదలకు తన వంతు సహాయం చేసి మనసున్న వారుగా గుర్తింపు పొందారు.
ఈ సందర్భంగా గ్రామస్తులు మాట్లాడుతూ గత రెండు సంవత్సరం నుండి మా పంచాయతీలోని ప్రజల నీటి కష్టాలు చూడలేక వారి తల్లి సత్యవతి కోరిక మేరకు తండ్రి రావిక్రింది రామ సుబ్బారావు జ్ఞాపకార్థం మాకు నీటిని సరఫరా చేస్తున్న రావిక్రింది కోటేశ్వరరావు, వారి తల్లికి మా పంచాయతీ ప్రజలు రుణపడి ఉంటారని గ్రామ సర్పంచ్ కంచర్ల సుబ్బయ్య, వైసిపి నాయకులు కంచర్ల కేశయ్య, మూడమంచు వెంకట కొండయ్య తెలిపారు.కోటి దాతృత్వం వెలకట్టలేనిది అని జనం వేనోళ్ళ కీర్తించారు.