దేశ నిర్మాణంలో లక్షలాది మందికి ప్రేరణ ఈ మహనీయులు

అమరావతి : దత్తోపంత్ ఠెంగ్డీ జీ... అసామాన్య సంస్థలని నిర్మించిన సామాన్యుడు.జీవితాన్ని ఒక లక్ష్యం కోసం అర్పణ చేసిన మహోన్నతుడు.
దేశభక్తి తో కూడిన వ్యక్తులని ప్రోది చేసి, సమర్పణ భావాన్ని పెంపొందించిన వ్యవస్థల నిర్మాత.సంఘ కార్యాన్ని వివిధ వర్గాలకి దగ్గర చేసిన ధధీజి... 
వివిధ క్షేత్రాల్లో సంఘ సిద్దాంతముని పరిపుష్ఠం చేసిన నచికేతుడు.
ఒక్క మాటలో చెప్పాలి అంటే -  దత్తోపంత్ ఠెంగ్డీ జీ, డాక్టర్ జీ యొక్క లక్ష్యాన్ని సాధించే క్రమం లో మిస్సైల్ లాగా దూసుకెళ్ళిన కార్యనిర్వహణా దక్షుడు.
భారతీయ మజ్దూర్ సంఘ్ (1955), భారతీయ కిసాన్ సంఘ్ (1979), స్వదేశీ జాగరణ్ మంచ్ (1991), సామాజిక్ సమరసతా మంచ్, సర్వ- పంథ్ సమదార్ మంచ్, పర్యావరణ్ మంచ్ లాంటి సంస్థలను స్థాపించి వాటి అభివృద్ధికి పాటుపడ్డారు.
అంతేగాక, అఖిల భారతీయ విద్యార్థి పరిషత్, అఖిల భారతీయ అధివక్త పరిషత్, అఖిల భారతీయ గ్రాహక్ పంచాయత్, భారతీయ విచార కేంద్ర్ లాంటి సంస్థలకు వ్యవస్థాపక సభ్యులు.వీరు భారతదేశ సామాజిక, ఆర్థిక జీవన పరిస్థితుల పైన తనదైన శైలిలో ముద్ర వేసి, భావితరం వారికి మార్గదర్శకం చేసారు. 
నిరాడంబర జీవనం, ప్రతీ విషయం పైన సరైన అవగాహన, లోతైన, స్పష్టమైన ఆలోచనలు, ధృఢ విశ్వాసం, అకుంఠిత దీక్ష వీరి సుగుణాలు.
బాబాసాహెబ్ డాక్టర్ భీమ్‌రావ్ అంబేద్కర్ యొక్క షెడ్యూల్డ్ క్యాస్ట్ ఫెడరేషన్‌తో సంబంధం ఉన్న కొంతమంది దళిత నాయకుల బృందం ఒకసారి, ఫెడరేషన్ ప్రధాన కార్యదర్శిగా బ్రాహ్మణుడైన దత్తోపంత్ తెంగడిని ఎందుకు నియమించారని అడిగారు. అది విన్న బాబా సాహెబ్ ఇలా అన్నారు: "మీలో ఎవరైనా తెంగాడి కంటే పెద్ద దళితులు అయిన రోజు, నేను మిమ్మల్ని ఫెడరేషన్ ప్రధాన కార్యదర్శిగా చేస్తాను." 1952 నుండి 1956 వరకు అతనితో సన్నిహితంగా పనిచేసిన దత్తోపంత్ తెంగడిపై ఆయనకున్న నమ్మకాన్ని ఈ మాటలు ప్రతిబింబిస్తాయి.