2న చంద్రబాబు క్షేమం కొరకు టీడీపీ రాష్ట్ర యస్టీ సెల్ విభాగం ఆధ్వర్యంలో పాదయాత్ర

గుంటూరు: టీడీపీ అధినేత, మాజీ ముఖ్యమంత్రి నారా చంద్రబాబు నాయుడును సైకో పాలనలో అక్రమంగా అరెస్ట్ చేయడానికి నిరసనగా, చంద్రబాబు క్షేమంగా త్వరగా జైలు నుండి విడుదల కావాలని కోరుతూ గుంటూరు టౌన్ లోని చుట్టుకుంట సెంటర్ పోలేరమ్మ దేవాలయం నుండి మంగళగిరి పానకాల లక్ష్మి నరసింహాస్వామి దేవాలయం వరకు టీడీపీ రాష్ట్ర యస్టీ సెల్ విభాగం ఆధ్వర్యంలో పాదయాత్ర జరుగుతుందని జిల్లా అధ్యక్షుడు యం. శ్రీను నాయక్ తెలిపారు.గత నాలుగున్నర ఏళ్లలో ఈ సైకో పాలనలో గిరిజనులపై దాడులు పెరుగుతూనే ఉన్నాయి కానీ అధికారులు, గిరిజన ప్రజాప్రతినిధులు పట్టించుకోనే పరిస్థితిలో లేరన్నారు. గిరిజన సమస్యలపై ప్రభుత్వాన్ని నిలదీసి అడిగితే వారిపై తప్పుడు కేసులు పెట్టి భయబ్రాంతులకు గురి చేస్తున్నారన్నారు.చంద్రబాబు రాష్ట్రానికి ఎంతో మేలు చేసారు. యువతను ప్రోత్సాహించి పెద్ద పెద్ద చదువులు చదివించి మంచి ఉపాధి అవకాశలు కల్పించారు. రాష్ట్రాన్ని అభివృద్ధి బాటలో నడిపించరన్నారు. రానున్న ఎన్నికలలో వైసీపీ ఓటమి ఖాయమని ముందుగానే గ్రహించి  చంద్రబాబు మీద తప్పుడు కేసులు పెట్టి అన్యాయంగా జైలుకు పంపి శునకానందం పొందుతున్నరన్నారు.. ఆ విషయం రాష్ట్ర ప్రజలందరికి తెలుసు అన్నారు. ఎవరు ఎన్ని ఇబ్బందులు పెట్టిన అక్రమంగా కేసులలో ఇరికించిన చంద్రబాబు నిజాయతీగా క్షేమంగా బయటకు వస్తారని నమ్మకం మాకుందిన్నారు..రాబోయే ఎన్నికలలో ఈ సైకో పాలనకు గుడ్ బై చెప్తారని చంద్రబాబు ని సియంని చేస్తామని జిల్లా ప్రధాన కార్యదర్శి మేడా రామకృష్ణ ధీమా వ్యక్తం చేశారు..