పొత్తులతో కాదు ప్రజా అభిమానంతో గెలుస్తాం

Markapur: రాష్ట్రంలో ఎన్ని పార్టీలు పొత్తులు పెట్టుకొని వచ్చిన వైఎస్ఆర్సిపిదే విజయం అని ఏపీఐఐసి చైర్మన్, ప్రకాశం జిల్లా వైఎస్ఆర్సిపి అధ్యక్షులు  జంకె వెంకటరెడ్డి అన్నారు. మార్కాపురం మండలంలోని బొడిచర్ల గ్రామ పంచాయతీలో మంగళవారం ఎన్నికల ప్రచారం నిర్వహించారు. ఈ సందర్భంగా మాట్లాడుతూ ప్రజాభిమానమే గెలుస్తుంది కానీ పొత్తులు గెలవవన్నారు. చంద్రబాబు, పవన్ లకు గెలిచే దమ్ము లేక పొత్తులు పెట్టుకుంటున్నారని విమర్శించారు. మీకు మేలు జరిగితే ఓటు వేయండని అడిగే దమ్మున్న  ప్రజా నాయకుడు  జగన్మోహన్ రెడ్డి అన్నారు. సంక్షేమ పథకాలు కొనసాగాలంటే జగన్మోహన్ రెడ్డి మళ్ళీ సీఎం కావాల్సిన అవసరం ఉందన్నారు. గ్రామీణ ప్రాంతాల్లో పాఠశాలను, కార్పోరేట్ పాఠశాలలకు  దీటుగా తీర్చిదిద్దిన ఘనత సీఎం వైఎస్ జగన్ మోహన్ రెడ్డిదేనన్నారు. పేద పిల్లలు సైతం తన పిల్లలతో సమానంగా కార్పోరేట్ విద్య అందించాలని జగన్ కోరుకుంటే చంద్రబాబు పిల్లలను మాత్రం ఇంగ్లీష్ మీడియం స్కూల్లో చదివించి పేదలకు ఇంగ్లీష్ మీడియం చదువులు లేకుండా చేస్తున్నారు అని అన్నారు.

రేపు జరగబోయే ఎన్నికల్లో ఫ్యాన్ గుర్తుపై ఓటు వేసి ఎమ్మెల్యే అభ్యర్థి అన్నా రాంబాబుని,పార్లమెంట్ అభ్యర్థి చెవిరెడ్డి భాస్కర్ రెడ్డిని గెలిపించాలని కోరారు. ఈ కార్యక్రమంలో వాల్మీకి కార్పొరేషన్ డైరెక్టర్ నల్లబోతుల కొండయ్య, సర్పంచి మున్నంగి కోటేశ్వరి,ఎంపీటీసీ లక్ష్మి దేవి, కో-ఆప్షన్ మెంబర్ రఫీ, నాయకులు పోరెడ్డి చెంచిరెడ్డి, పంబి వెంకటరెడ్డి రమణారెడ్డి, జంకె కృష్ణారెడ్డి, భవనం బ్రదర్స్, జెసిస్ కోఆర్డినేటర్  శ్రీనివాస రెడ్డి, కార్యకర్తలు, తదితరులు పాల్గొన్నారు.