శ్రీశైలం: దేవస్థానం ప్రచురించిన 2024వ సంవత్సరపు రెండు రకాల 12 షీట్ల క్యాలెండర్లు, సింగిల్ షీట్ పంచాంగ క్యాలెండరు, టేబుల్ క్యాలెండరును అమ్మవారి ఆలయంలోని ఆశీర్వచన మండపములో ఆవిష్కరించారు. రాష్ట్ర కార్మిక శాఖమంత్రి గుమ్మనూరు జయరామ్, శ్రీశైలం శాసనసభ్యులు శిల్పాచక్రపాణిరెడ్డి ఈ క్యాలెండర్లను ఆవిష్కరించారు.
అలాగే ధర్మకర్తలమండలి అధ్యక్షులు రెడ్డివారి చక్రపాణిరెడ్డి, కార్యనిర్వహణాధికారి పెద్దిరాజు, ధర్మకర్తల మండలి సభ్యులు మఠం విరూపాక్షయ్యస్వామి, ఎం. విజయలక్ష్మి ,మేరాజోత్ హనుమంతునాయక్, ఓ. మధుసూదన్ రెడ్డి, ప్రత్యేక ఆహ్వానితులు తన్నీరు ధర్మరాజు తదితరులు పాల్గొన్నారు.కాగా పెద్ద సైజు 12షీట్ల క్యాలెండరులో శ్రీ రత్నగర్భగణపతి శ్రీమల్లికార్జునస్వామివారు, శ్రీభ్రమరాంబాదేవి అమ్మవారు, శ్రీ సహస్రలింగేశ్వరస్వామివారు, కల్యాణమూర్తులు, శ్రీ అన్నపూర్ణాదేవి అమ్మవారు, శ్రీ రాజరాజేశ్వరస్వామి, శ్రీ రాజరాజేశ్వరీదేవి అమ్మవారు, శ్రీ వీరభద్రస్వామి, శ్రీ కౌమారీదేవి అమ్మవారు, శ్రీ బయలు వీరభద్రస్వామి. శ్రీ శనగల బసవన్న స్వామివార్ల ఛాయచిత్రాలను ముద్రించబడ్డాయి..
అలాగే 12 షీట్ల మీడియం క్యాలెండర్లో శ్రీ సాక్షిగణపతి స్వామివారు, శ్రీమల్లికార్జునస్వామివారు, శ్రీభ్రమరాంబాదేవి అమ్మవారు, శ్రీవృద్ధమల్లికార్జునస్వామివారు, శ్రీ అంకాళమ్మ కల్యాణమూర్తులు, శ్రీ ఉమా మహేశ్వరస్వామివారు, శ్రీ భ్రమరాంబా అమ్మవారు, శ్రీ కుమారస్వామివారు, మల్లికార్జున స్వామివారు ( ఉత్సవమూర్తులు). శ్రీ ఆరామ వీరభద్రస్వామివారు, శ్రీ నటరాజస్వామివారు, శ్రీ నందీశ్వరస్వామివారి ఛాయచిత్రాలను ముద్రించడం జరిగింది.
అదేవిధంగా టేబుల్ క్యాలెండరులో ఆయా దేవతామూర్తుల చిత్రాలను ప్రచురించబడ్డాయి.
ఈ పంచాంగ వివరాలను దేవస్థానం ఆస్థాన సిద్ధాంతి పండిత బుట్టే వీరభద్ర దైవజ్ఞ వారు రూపొందించారు.
