ఆలయ విస్తరణ కోసం స్థలం కొనుగోలు

అగ్ని న్యూస్, మార్కాపురం:  పట్టణంలోని నెహ్రూ బజార్ లోని శ్రీ షిరిడి సాయిబాబా మందిరం నందు ఉన్న దత్త మందిరం ( ధుని పక్కన ఉన్న ) ఖాళీ స్థలాన్ని ఆలయ విస్తరణ కోసం కొనుగోలు చేసినట్లు ఆలయ కమిటీ సభ్యులు తెలిపారు.సుమారు 240 చదరపు గజముల విస్తీర్ణం గల స్థలమును టంగుటూరి మల్లికార్జునరావు,ఆరవీటి నారాయణ,సుగ్రీవు గురునాథం ల వద్ద నుండి గజం 30 వేల రూపాయల ప్రకారం కొనుగోలు చేసినట్లు ఆలయ కమిటీ కార్యదర్శి గోపాలుని హరిహరరావు తెలిపారు. ఈ స్థలంలో పెద్ద హాల్ నిర్మాణం జరిపి నిత్య అన్నదానం, శివపార్వతుల కళ్యాణం, శివాలయం తరపు జరుగు ఆధ్యాత్మిక కార్యక్రమాలు, బాబా మందిర కార్యక్రమంలు నిర్వహించుటకు సంకల్పించామని ఆయన తెలిపారు. ఒక గజం 30 వేల రూపాయల ప్రకారం  నిర్ణయించడం జరిగినదని ,భక్తులు ఒక గజమునకు మించి వారి శక్తానుసారం స్థల దాతలుగా విరాళం సమర్పించి, సాయినాధుని, చంద్రమౌళీశ్వర స్వామి వారి అనుగ్రహం పొందాలని ఆయన ఆకాంక్షించారు. ఈ సందర్భంగా స్థల విక్రయ దారులను స్వామి వారి శేష వస్త్రాలతో సత్కరించారు. ఈ కార్యక్రమంలో అధ్యక్షుడు పేరం సత్యనారాయణ, కోశాధికారి నాగరాజు, ఉపాధ్యక్షుడు రామడుగు గోపి తదితరులు పాల్గొన్నారు.