జగనన్న మళ్ళీ సి.యం అయితేనే సంక్షేమ పథకాలు

అగ్ని న్యూస్,కొమరోలు: ముఖ్యమంత్రిగా మరోసారి జగన్మోహన్ రెడ్డి అధికారంలోకి వస్తేనే సంక్షేమ పథకాలు అమలు అవుతాయని పేద ప్రజల పెన్నిధిగా ఉన్న జగనన్న మరోసారి ముఖ్యమంత్రి చేసుకుందామని గిద్దలూరు వైసీపీ ఎమ్మెల్యే అభ్యర్థి కే పి నాగార్జున రెడ్డి సతీమణి కల్పనా రెడ్డి ఓటర్లకు విజ్ఞప్తి చేశారు. ఎన్నికల ప్రచార కార్యక్రమంలో భాగంగా గిద్దలూరు వైసీపీ ఇంచార్జి, ఎమ్మెల్యే అభ్యర్థి కుందూరు నాగార్జున రెడ్డి  సతీమణి కల్పన, సోదరీలు పద్మ, అరుణలు ఆదివారం కొమరోలు పట్టణంలో ఇంటింటికి తిరిగి గత ఐదు సంవత్సరాలుగా జగన్ ప్రభుత్వం చేసిన సంక్షేమ పథకాలను ప్రజలకు వివరించారు.ప్రజలకు ఏ సమస్య వచ్చిన స్థానికంగా అందుబాటులో ఉంటున్నారని,ప్రజా సమస్యలను పరిష్కరించటమే ధ్యేయం, కావున కుందూరు నాగార్జున రెడ్డి ని ఆదరించి , గెలిపించండని విజ్ఞప్తి చేశారు.జగనన్న మళ్ళీ సి.యం అయితేనే సంక్షేమ పథకాలు వస్తాయని,గిద్దలూరు నియోజకవర్గ ప్రజలంతా మే 13న జరిగే ఎన్నికల్లో వైసీపీ అభ్యర్థి పోటీ చేయుచున్న  కుందూరు నాగార్జున రెడ్డికి, ఎంపీ అభ్యర్థిగా పోటీ చేయుచున్న చెవిరెడ్డి భాస్కర్ రెడ్డికి ఫ్యాను గుర్తుపై ఓటు వేసి అత్యధిక మెజార్టీతో గెలిపించాలని కోరారు.ఈ కార్యక్రమంలో కొమరోలు మండల పార్టీ నాయకులు, కార్యకర్తలు పాల్గొన్నారు.