అవాస్తవ ఆరోపణలపై శ్రీ కందుల ఓబుల్ రెడ్డి హాస్పిటల్ యాజమాన్యం ఖండన

మార్కాపురం:  తర్లుపాడు మండలం గానుగ పెంట గ్రామానికి చెందిన అమ్మలబ్రోలు రమణ అనే గర్భిణీ స్త్రీ ఈ నెల 8 వ తారీఖు ఉదయం 11 గంటలకు హాస్పిటల్ కి వచ్చి ఉన్నారు. డాక్టర్లు అవసరమైన పరీక్షలు చేసిన పిదప తల్లికి గుర్రపు వాతం [Pre Eclampsia] ఉండడం వలన  తల్లికి ,బిడ్డకి ఇద్దరికీ ప్రమాదం  ఉందని సూచించారు. గుర్రపు వాతం వ్యాధి ,  ఇటువంటి ఆరుదైనవ్యాధి ఉండటం ప్రమాదకరం.డాక్టర్. ఆంజనేయులు, డాక్టర్. లత , డాక్టర్ శ్రీవాణి , డాక్టర్ మిథున్ కుమార్ లు పరీక్షించి, చర్చించి ఆపరేషన్ చేయడం జరిగింది.  డాక్టర్లు అందరూ కలిసి డిస్కస్ చేస్కొని పేషెంట్ అటెండర్స్ తో మాట్లాడి , రిస్క్ గురించి వివరించిన తరువాత అత్యవసర పరిస్థితిలో తల్లికి, బిడ్డకి ప్రమాదం ఉన్నందున ఆపరేషన్ చేయడం జరిగింది. ఆపరేషన్ చేసే సమయం లో పేషెంట్ కి బీపీ పెరగడం, కంట్రోల్ అవ్వక పోవడం వలన  ఆపరేషన్ సమయంలో ఎంతో కృషి చేసిన కానీ తల్లిని కాపడగలిగాము కానీ బిడ్డని కాపడలేకపోయం. 
డాక్టర్ ఆంజనేయులు ఇప్పటికీ 30,000 పైగా  ఆపరేషన్లు ఎంతో నైపుణ్యంతో చేశారు. పశ్చిమ ప్రకాశ ప్రాంతంలో మా హాస్పిటల్ లో కొన్ని వేల ఆపరేషన్లు ఎంతో జాగ్రత్తగా ఎంతో నైపుణ్యంతో నిర్వహించడం జరుగుతుంది. మా హాస్పిటల్ నందు 24/7 ఎమర్జెన్సీ సేవలతో పాటు ఎమర్జెన్సీ ఆపరేషన్లు కూడా ఎంతో శ్రద్ధతో  నైపుణ్యంతో నిర్వహిస్తున్నాము.కరోనా సమయంలో కూడా తమ ప్రాణాలు సైతం లెక్క చేయకుండా ఎంతో ధైర్యంతో కొన్ని వేల ఆపరేషన్లు చేసి ఎన్నో సేవలు ఉచితంగా అందించిన ఏకైక ఆసుపత్రి. పేషెంట్ పరిస్థితి అటెండర్లకు వివరించినా  సరైన అవగాహన లేక సత్యదూరమైన ఆరోపణలు చేశారు.మా స్టాఫ్ నర్సు తో కూడా  అనుచిత వ్యాఖ్యలు చేపించినారు. ఆసుపత్రి కి వచ్చిన ప్రతి పేషెంట్ ను డాక్టర్లు , స్టాఫ్ మెంబెర్స్  ఎంతో శ్రద్ధతో నైపుణ్యంతో చూసుకోవడం జరుగుతున్నది. కావున ఈ సత్యదూరమైన ఆరోపణలను ప్రజలు ఎవ్వరూ కూడా నమ్మవద్దని మా పైన పేషెంట్ అటెండర్స్
చేసిన వ్యాఖ్యలను తీవ్రంగా ఖండిస్తున్నామని హాస్పిటల్ యాజమాన్యం బుధవారం ఒక ప్రకటనలో తెలిపింది.