జాతి గర్వించదగ్గ గొప్ప వ్యక్తి ఎపిజె అబ్దుల్ కలాం

తర్లుపాడు,(ప్రకాశం జిల్లా) : తర్లుపాడు మండల ఆర్యవైశ్య సంఘం అధ్యక్షులు కశ్శెట్టి జగన్ ఆధ్వర్యంలో మన జాతి గర్వించదగ్గ గొప్ప వ్యక్తి ఎపిజె అబ్దుల్ కలాం జయంతి వేడుకలు నిర్వహించడం జరిగింది.ఈ సందర్భంగా తర్లుపాడు జెడ్పిహెచ్ఎస్ లో ఆయన విగ్రహానికి పూలమాలవేసి నివాళులర్పించడం జరిగింది. ఈ సందర్భంగా జగన్ బాబు మాట్లాడుతూ తమిళనాడులోని రామేశ్వరంలో నిరుపేద ముస్లిం కుటుంబంలో జన్మించిన కలాం  చదువుకోవడానికి డబ్బులు లేక ఇంటింటికి పేపర్ వేస్తూ వచ్చిన డబ్బుతో పుస్తకాలు కొనుక్కొని తన అనుకున్న చదువును చదువుకొని ఎంతో గొప్ప కీర్తిని సాధించారు. తర్వాత మద్రాసు  ఇన్స్టిట్యూట్ ఆఫ్ టెక్నాలజీలో ఏరోస్పేస్ ఇంజనీరింగ్ చేసి తర్వాత కొన్ని సంవత్సరాలు ప్రొఫెసర్ గా పనిచేసి తర్వాత ఇస్రోలో సైంటిస్ట్ గా జాయిన్ అయ్యారు. ఆ తర్వాత డిఆర్డీఓ తయారు చేసే  అగ్ని ,పృథ్వి లాంటి మిస్సైల్స్ లో భాగస్వామిగా ఉండి విజయవంతం చేశారు. ఇలాగా మన భారతదేశానికి ఎంతో సేవ చేసిన ఆయన కృషికి ఫలితంగా 1981 లో పద్మభూషణ్ ,1989లో పద్మ విభూషణ్ ,అలాగే 1997లో భారతదేశం గొప్ప పురస్కారమైన భారతరత్న పురస్కారాన్ని పొందారు. అలాగే ఎన్నో యూనివర్సిటీలు ఆయనకు గౌరవ డాక్టరేట్ల ఇచ్చి సన్మానించాయి అని అన్నారు. 2002 నుంచి 2007 వరకు మన భారతదేశానికి రాష్ట్రపతిగా సేవలు చేశారు. ఆయన ఎప్పుడూ విద్యార్థులకు కలలు కనండి వాటిని సాకారం చేసుకోవడానికి కృషి చేయండి అని చెబుతూ ఉంటారు. ఇలాంటి వ్యక్తి మన దేశంలో జన్మించడం మనందరికీ గర్వకారణం ఆయన ఆదర్శంగా తీసుకొని మనం కూడా మన దేశానికి మంచి పేరు తీసుకురావాలని తెలియజేశారు. ఈ కార్యక్రమంలో నెహ్రూ యూత్ అధ్యక్షులు పుల్లయ్య, ఉపాధ్యాయులు గోసు శ్రీనివాసులు ,షేక్ నజీర్ అహ్మద్,పిడి నాయుడు, ఆర్యవైశ్య సంఘం ప్రధాన కార్యదర్శి జవ్వాజి జనార్దన్ రావు, ప్రసాద్, విద్యార్థులు పాల్గొన్నారు.