ప్రకాశం జిల్లా గిద్దలూరు మండలం ముండ్లపాడు గ్రామంలో వాసవీ శరన్నవరాత్రి ఉత్సవాలు శ్రీ సీతారామాంజనేయ స్వామి దేవస్థానంలో ఘనంగా నిర్వహించారు. శరన్నవరాత్రుల అనంతరం అమ్మవారికి నిర్వహించే ఊంజల్ సేవ (ఉయ్యాల పేరంటం ) అద్భుతంగా నిర్వహించడం ఆలయం ప్రత్యేకత. అమ్మవారికి నిర్వహించే ఈ ఉయ్యాలపేరంటం చూడటానికి గ్రామంలోని ఆర్యవైశ్యులు వృత్తి, ఉద్యోగ, వ్యాపార రీత్యా ఎక్కడ స్థిరపడిన ఖచ్చితంగా హాజరై అమ్మవారి ఆశీర్వచనాలు అందుకుంటారు.
ఊంజలసేవ రోజున ఆలయ కమిటీ వారు అనేక కార్యక్రమాలు నిర్వహిస్తారు. దసరా నవరాత్రుల రోజున రోజుకో అలంకారం తో అమ్మవారికి పూజా కార్యక్రమాలు నిర్వహించి, కార్యక్రమాల్లో పాల్గొన్న వారికి లక్కీ డిప్ ద్వారాఈ ఊంజల్ సేవ రోజున బహుమతులు అందచేశారు.
ఈ సంవత్సరం నవరాత్రుళ్ళో అమ్మవారికి అలకరించిన చీరలను వేలం పాట వేశారు. మహిళా మణులు పోటీ పడి వేలం పాట ద్వారా చీరలను సొంతం చేసుకున్నారు.
దసరా శరన్నవరాత్రి ఉత్సవాలకు, ఆలయ అభివృద్ధి కి ఉదారంగా విరాళాలు ఇచ్చిన దాతలను కమిటీ సభ్యులు ఘనంగా సత్కరించారు. అడ్వకేట్ శివాపురం నాగేంద్ర బాబు దంపతులకు, పాతాళ నాగేశ్వరస్వామి ట్రస్ట్ చైర్మన్ శివాపురం ఆంజనేయులు దంపతులకు, ముండ్లపాడు మాజీ సర్పంచి కలువా వెంకటసుబ్బయ్య ని ఆలయ కమిటీవారు సత్కరించారు.
ఉంజల్ సేవ సేవను చూడటానికి కుల మత తారతమ్యాలు లేకుండా గ్రామస్తులు ఐక్యత చాటారు. అలాగే ఆలయ కమిటీ సభ్యులు ,వచ్చిన ప్రతీ ఒక్కరికి అల్పాహారం ఏర్పాటు చేశారు.
గ్రామంలో అమ్మవారికి వసంతోత్సవం ఘనంగా నిర్వహించారు. చిన్నా, పెద్దా, మహిళలు అందరూ ఉత్సాహం గా పాల్గొన్నారు.
ఆలయ కమిటీ అధ్యక్షులు శివాపురం ధనుంజయ గుప్తా మాట్లాడుతూ దసరా శరన్నవరాత్రి ఉత్సవాలను ఘనంగా నిర్వహించుటకు వాసవీ మాత అనుగ్రహం అని, కార్యక్రమాలు విజయవంతంగా సహకరించిన ప్రతీ ఒక్కరికి కృతజ్ఞతలు తెలిపారు.
కార్యక్రమం లో శ్రీ సీతా రామాంజనేయుస్వామి దేవస్థానం కమిటీ ప్రెసిడెంట్ శివాపురం ధనుంజయ గుప్తా,మునగనూరి సుబ్బరంగయ్య, శివాపురం సత్యనారాయణ,దేవేంద్ర కుమార్,రాజా, గొంట్ల రామయ్య, గంగిశెట్టి రామసుబ్బయ్య, కమిటీ సభ్యులు, ఆలయ మహిళా కమిటీ సభ్యులు సురేఖ, సుప్రజ,వరలక్ష్మి, వెంకట సుబ్బమ్మ, తదితరులు పాల్గొన్నారు. అమ్మవారి భక్తులు, గ్రామస్తులు కార్యక్రమంను తిలకించిడానికి తరలి వచ్చారు.
