గిరిజనులకు ఏమి చేశారో చెప్పి సామాజిక సాధికార బస్సు యాత్ర చేయాలి

యర్రగొండపాలెం: గిరిజనుల అభివృద్ధికి ఏ మాత్రం దృష్టి పెట్టని వైసీపీ ఇప్పుడు యాత్రల పేరుతో ప్రజలను మోసం చెయ్యటానికి వస్తుందని, వారిని  నమ్మే పరిస్థితిలో గిరిజన నాయకులు, ప్రజలు  సిద్దంగా లేరని గిరిజన విద్యార్థి సమాఖ్య ప్రకాశం జిల్లా అధ్యక్షులు బాణావత్ వెంకటేశ్వర్లు నాయక్ అన్నారు.గత ప్రభుత్వంలో గిరిజన ప్రజల కోసం అనేక సంక్షేమ పథకాలను  అములుచేశారని, కానీ వైసీపీ ప్రభుత్వం వచ్చి  సంక్షేమ పథకాలను రద్దు చేశారని ,రద్దు చేసిన సంక్షేమ పథకాల గురించి అభివృద్ధికి నోచుకోని గిరిజన ప్రజలకు వైసిపి ప్రభుత్వ నాయకులు సమాధానం చెప్పగలరా అంటూ ప్రశ్నించారు.వైసిపి ప్రభుత్వం, వైయస్ జగన్ మోహన్ రెడ్డి చేపట్టిన సామాజిక బస్సుయాత్ర లో సామాజికంగా దళిత గిరిజనులకు జరిగిన అన్యాయాన్ని వివరించి చెప్పే నాయకులు ఒక్కరైనా ఉన్నారా లేదా వైసీపీ పార్టీ కి బజన చేసే నాయకులు ఉన్నారా అని సందేహం వ్యక్తం చేశారు.  దళిత గిరిజనుల అభివృద్ధి కోసం ఉన్న 27 సంక్షేమ పథకాలను ఎందుకు రద్దు చేశారో సమాధానం చెప్పాలని డిమాండ్ చేశారు.అందులో భాగంగానే  గత  ప్రభుత్వ హయాంలో  దళిత గిరిజనుల విద్యార్థుల కోసం ప్రవేశపెట్టిన  బిఎఎస్ స్కీమును, వైసీపీ ప్రభుత్వం రద్దు చేస్తే ఆ స్కీమ్ ను పునరుద్ధరించాలని సుప్రీంకోర్టు తీర్పు ఇవ్వడం జరిగిందని ,ఈ తీర్పు వైసీపీ ప్రభుత్వానికి  చెంపపెట్టుగా గుర్తించాలని అన్నారు. సామాజిక సాధికార బస్సు యాత్రలో వైసిపి నాయకులు  దళిత గిరిజనులకు  రద్దు చేసిన కార్పొరేషన్ రుణాల గురించి , రద్దు చేసిన పెళ్ళికానుక గురించి సమధానం చెప్పగలరా అని అన్నారు.ఉన్నత విద్యాభ్యాసం చేసిన విద్యార్థులకు ఒక ఉద్యోగం కూడా ఇవ్వలేని ఈ ప్రభుత్వం ప్రజలకు  సమాధానం చెప్పగలదా, ఎస్సీ ఎస్టీ సబ్ ప్లాన్ నిధులు దారి మళ్లింపు గురించి సమాధానం చెప్పగలదా అని ప్రశ్నించారు.గత నాలుగున్నర సంవత్సరాలుగా దళిత గిరిజనుల కోసం ఎంత నిధులను వారి జీవన స్థితగతుల మార్పు కోసం కేటాయించినారో శ్వేతా పత్రం విడుదల చేయాలని గిరిజన విద్యార్థి సమాఖ్య ప్రకాశం జిల్లా అధ్యక్షుడు బాణావత్ వెంకటేశ్వర్లు నాయక్ డిమాండ్ చేశారు. నవరత్నాల పేరుతో నయ వంచనాలు చేసి కేవలం దళిత గిరిజన బహుజనుల ఓట్లతో గెలిచిన ముఖ్యమంత్రి జగన్మోహన్ రెడ్డి ఎన్నికలు దగ్గరపడటంతో మరలా దళిత గిరిజన బహుజనులను మోసం చేయటానికి  సామాజిక సాధికార బస్సు యాత్ర పేరుతో సిద్ధమయ్యారని ఆరోపించారు.దళిత గిరిజనులను ఓట్లు అడిగే అర్హత వైసిపి నాయకులు కోల్పోయారని,వచ్చే ఎన్నికల్లో దళిత గిరిజన ప్రజలు వైసీపీ పార్టీ కి చరమగీతం పాడటానికి సిద్దంగా ఉన్నారని,  గిరిజనులకు సంక్షేమ కార్యక్రమాలు పథకాలు, ఉపాధి అవకాశాలు, అభివృధి చెయ్యలేని వైసీపీ పార్టీ కి  గెలిపించడానికి గిరిజనులు సిద్ధంగా లేరని బాణావత్ వెంకటేశ్వర్లు నాయక్  స్పష్టం చేశారు.