సుభిక్షమైన పాలన కావాలంటే... మళ్ళీ జగనన్నే రావాలి

తర్లుపాడు : 
రాష్ట్రంలో సుభిక్షమైన పరిపాలన కావాలంటే మరోసారి జగన్మోహన్ రెడ్డి ముఖ్యమంత్రి కావాలని మార్కాపురం ఎమ్మెల్యే కేపీ నాగార్జున రెడ్డి అన్నారు. మండల కేంద్రము తర్లుపాడులో సర్పంచ్ పల్లెపోగు వరాలు అధ్యక్షతన జరిగిన ఆంధ్రప్రదేశ్ కి మళ్ళీ జగనే ఎందుకు కావాలంటే కార్యక్రమానికి ఆయన ముఖ్య అతిధులుగా హాజరయ్యారు. ఎమ్మెల్యే నాగార్జున రెడ్డి కి ముందుగా ఎంపీపీ సూరెడ్డి భూలక్ష్మీ ,సర్పంచ్ పల్లెపోగు వరాలు పూలమాలతో, శాలువాతో సత్కరించి సాధర స్వాగతం పలికారు. అనంతరం తర్లుపాడు సచివాలయం పరిధిలో అందించిన సంక్షేమ పధకాల లబ్దిదారుల శిలాఫలకాన్ని ఆవిష్కరించారు. ఈ సందర్భంగా ఎమ్మెల్యే కుందురు నాగార్జున రెడ్డి మాట్లాడుతూ దేశంలో ఏ ప్రభుత్వం అందించని విధంగా బడుగు బలహీన వర్గాలను ఆర్ధికంగా అభివృద్ధి చెందేల సంక్షేమ పధకాలు అందిస్తున్న ప్రభుత్వం జగనన్న ప్రభుత్వం అని అన్నారు.ప్రభుత్వం అధికారంలోకి వచ్చినప్పటి నుండి ఇరవై అయిదు సంక్షేమ పధకాలకు గాను ఇప్పటివరకు తర్లుపాడు సచివాలయ పరిధిలో 8277 మంది లబ్ది దారులకు 38కోట్ల66లక్షల 52వేల రూపాయలు చేకూరాయని అన్నారు. తర్లుపాడు సచివాలయ పరిధిలో 1549 మంది కుటుంబాలకు గాను ఇన్ని కోట్లు చేరాయి అంటే ఎంతమేర ప్రతి కుటుంబానికి లబ్ది చేకూరిందో ప్రతి ఒక్కరు ఆలోచించుకోవాలని అన్నారు, స్వాతంత్రం వచ్చినప్పటి నుండి 2019వరకు ఏర్పడిన ప్రభుత్వాలు బడుగు బలహీన వర్గాల ప్రజలకు సబ్సిడీ ద్వారా కొంత నిధులు చేకూర్చి పంచాయితీలో కొందరికే లబ్ది చేకూర్చే వారని 2019నుండి నేటి వరకు జగనన్న ప్రభుత్వం కులం మతం ప్రాంతం బేధం లేకుండా అర్హులైన ప్రతి ఒక్కరికి నేరుగా ఎటువంటి అవినీతి లేకుండా లబ్ది దారుని ఖాతలో జమ చేస్తున్న ఘనత ముఖ్యమంత్రి జగన్ మోహన్ రెడ్డికే దక్కుతుందని అన్నారు. ప్రతి కుటుంబంలో అవసరమైన జనన, మరణ, ఇన్కమ్, క్యాస్ట్ వంటి ధ్రువీకరణ పత్రాలు  ప్రజల వద్దకే పరిపాలన లాగ నేరుగా ఇంటికి వాలంటీర్ ద్వారా అందజేస్తూ నిస్వార్ధమైన సేవ అందిస్తున్నారని అన్నారు  సుభిక్షమైన పరిపాలనకోసంఅందరు మళ్ళీ జగనన్న ను ముఖ్యమంత్రి చేసుకోవాలని అన్నారు. అనంతరం తర్లుపాడు బస్టాండ్ సెంటర్ లో గల దివంగత నేత వైయస్ రాజశేఖరరెడ్డి విగ్రహానికి పూలమాల వేసి వైసిపీ జెండాను ఆవిష్కరించారు. ఈ కార్యక్రమం లో ఎంపీడీఓ నరసింహులు, మండల స్పెషల్ ఆఫీసర్ పరమేశ్వర రావు,ఏపీయం పిచ్చయ్య,మండల కన్వీనర్ మురారి వెంకటేశ్వర్లు, వైసిపీ నాయకులు సూరెడ్డి సుబ్బారెడ్డి, కోప్షన్ అక్బర్ వలి, సర్పంచ్ ల సంఘం అధ్యక్షులు దూదేకుల పెద్ద మస్తాన్, సింగిల్ విండో అధ్యక్షులు కుందురు సత్యనారాయణ రెడ్డి,వైస్ ఎంపీపీ కందుల సుజాత తర్లుపాడు ఎంపీటీసి వన్నెబోయిన అంకమ్మ, మీర్జపేట ఎంపీటీసి దేవిరెడ్డి పార్వతి రమేష్ రెడ్డి, మీర్జపేట సర్పంచ్ దర్బాసుల మీరయ్య,గొల్లపల్లి సర్పంచ్ ఎక్కంటి రామిరెడ్డి,సురేపల్లి సర్పంచ్ గుండెబోమ్మ నవ్య, మంగళకుంట సర్పంచ్ శారద, కలుజువ్వలపాడు సర్పంచ్ శిఖామణి,మంద కొండారెడ్డి,వైసిపీ నాయకులు దేవిరెడ్డి భాస్కర్ రెడ్డి, కొలగట్ల రామకృష్ణ రెడ్డి, వైస్ సర్పంచ్ వెన్నా పెద్ద సత్యనారాయణ రెడ్డి,జెఏసి కన్వీనర్ కలువ రామాంజనేయ రెడ్డి, పల్లెపోగు ఎబినేజర్, మందటి మల్లిఖార్జున రెడ్డి,సచివాలయం సిబ్బంది కార్యకర్తలు తదితరులు పాల్గొన్నారు.